蝦棧 (已搬遷) 新店位置

老友突然心血來潮想食台灣野 咁就搵呢間大家都就腳既餐廳試試店鋪用左暖和既燈光配木質傢俬有一種休閒既感覺 可以放鬆同朋友食飯傾計再加上一啲台灣特色既小擺設成個環境設計好用心小食我地就叫左一份黑白墨魚卷同溏心蛋 作為一個蛋控點都要點一份黎試下溏心蛋睇落簡單但實際係揀蛋到煮既時間都好考功夫而呢間既蛋就冇令我失望啦主菜方面就決定試佢地既招牌菜 黑麻油雞同胡椒蝦啲大蝦完完全全咁吸收哂啲醬料外脆內軟 肉質彈牙而黑麻油雞一黎到已經聞到陣陣既麻油香味 每件雞都好入味 又唔會有好油膩既口感每舊雞肉唔會有煮得好老既口感同腥味亦都唔會見到有啲細碎既骨頭係煲入面細心度滿分值得一讚係員工既服務態度每上一樣菜都會簡單介紹一下佢既煮法 用咩食材 好有心下次再約大班朋友黎一定要試埋佢另外兩款招牌菜檸檬辣蝦同奶油蝦