嚐館 (已結業)

響附近做完野都夜, 同同事食埋飯先走, 佢帶我黎呢間中菜, 佢話呢度FUSION野選擇多.要左個胡椒肉蟹煲, 肉蟹大隻, 肉厚飽滿, 入口鮮甜, 好香蟹味. 肉蟹蟹膏唔算多, 但少少既膏都已經夠濃烈, 好新鮮. 粉絲重胡椒香味, 所以食落係辣辣地, 但惹味開胃. 粉絲爽口彈牙, 唔會太濕, 味道一流.呢輪報告講野太多, 所以要個杏汁燉肺湯補補佢, 杏汁味濃郁, 精華落晒個湯度唔會太稀, 夠滋潤.