兜記即燒乳豬專門店 (已結業)

我諗好多人經過呢度都唔知呢度有間咁正既餐廳，我係呢度食到最好食既乳豬同叉燒。其實兜記開咗一段唔短既時間，聽朋友介紹話呢度既乳豬唔錯，今日去開會展果頭，之後一家人過黎Dinner。蒜蓉粉絲蒸日本元貝蒜蓉粉絲蒸元貝都食唔少，呢隻既質素同樣唔錯，原價$58，而家特價賣$38，真系超級抵食。元貝肉緊緊痴住個殼，證明一定好新鮮，唔會好似一般餐廳甘殼肉分離根本分唔出系咪帶子肉扮原隻扇貝，呢樣抵讚。整體黎講，元貝都好新鮮，食落好鮮甜，蒜蓉粉絲好入味。招牌脆皮乳豬首先，乳豬肉好新鮮，豬肉同肥膏既比例係5:5，比例岩岩好，唔會太油膩，但又食到油脂香，而豬肉唔鞋，甚至幾嫩口，豬皮燒到金黃色，食落好脆!! 鐵板叉燒叉燒食得多，已經食到厭厭地，但朋友鍾意食叉燒，唯有點個黎送飯。點知，一食喜出望外，因為佢比較特別，落咗酒黎醃，不但食落會有酒香，更引人入胜，肉質滑嫩香甜，對於想要新鮮感既人黎講，必食。干煸四季豆夠鑊氣兼夠香，而且四季豆唔會爆到淋曬，仲幾爽口，而肉碎既份量都好大方，配碗白粥，之後將肉碎倒曬係碗中配粥食，亦都相當滋味。