漁小館 (已結業)

今次嚟到「漁小館」。野山椒泡鳳爪（$48）原本以為好辣，但食落唔辣，而且仲有小小甜味。鳳爪好厚肉下，不過份量比較小，性價比唔高，唔太推介俾大家。芥末脆皮豬手（$118）呢個非常好食👍👍。唔會好油膩，又夠香口。個芥末醬點綴不小，大大啖醬都唔會好嗆鼻，仲令到豬手更加香。個豬皮真係好脆好好食。值得一試。翡翠生炒龍躉球（$168）呢道菜真心覺得貴，龍躉球得幾舊，4人食都唔知每人有冇2舊。雖然有鑊氣味，龍躉球都好滑，但就無咩特別，我寧願叫碟小炒食下仲好。美國珍寶桶蠔，薑蔥焗（$168）上枱時用沙煲上，所以非常香同埋好夠熱力。每隻蠔都大大粒，好飽滿同肥美，食落有小小甜味。講起都想再食多次🤤🤤。其實仲有其他煮法，下次可以試下其他煮法。蒜茸炒通菜（$70）呢碟菜不過不失，但係絕對夠鑊氣。但係份量唔多。唔建議大家食。大家食完飯可以用70蚊去前面街口買生果補充纖維😂😂😂。