譚仔雲南米線 (惠安苑)

營業中

休息中

今日晏晝去中環做嘢，正當唔知食乜嘢好，抬頭一望見到譚仔個招牌，決定一於喺嗰度解決今日午餐。望勻個餐牌，都諗唔到食乜嘢，突然見到有個脆肉鯇皮蛋米線嘅poster，立即就落order。首先講吓啲配菜先，由於係清湯底嘅關係，所以腐竹同埋芽菜都冇乜味。好彩有芫荽喺度調一調味，整體來講都還可以。跟住講吓主角，脆肉鯇非常之唔錯，但係啲份量就少到可憐，加加埋埋都唔知有冇五片。然後米線來講，軟硬適中，口感唔錯。皮蛋方面，都係份量非常之少，味道就一般般，都係普通貨色，冇乜嘢特別。嘢飲方面，噬咗杯凍檸茶，冇乜嘢特別，為一個缺點就係我有叫少甜但係都係太甜。