影片
更多
2018-04-18
17 瀏覽
今日早收工，同朋友去咗銅鑼灣一間主打雞翼嘅餐廳食下午茶。餐廳地點倘算方便，離地鐵站唔算太遠，我哋行咗一陣就搵到間鋪頭。餐廳屬小店規模，坐位唔多，全店用咗黃同白兩種顏色做主題，俾人一種幾醒神嘅感覺。除咗堂食之外，我哋都見到有好多人係嚟買外買嘅，可能因為附近有好多辦公室吧。睇吓餐牌，其實都好易揀，因為除咗主打雞翼之外，只有幾種其他小食可以揀，其賣點反而落咗係佢哋俾客人任揀嘅多種醬汁之上，我睇吓眼都應該有成十幾種醬汁放咗係點餐處前，可以俾客人隨便配搭。令我諗起英國有間出名食雞嘅連鎖，都係咁樣有好多醬汁俾人任揀，估唔到係依度可以俾我回味一吓。哈！因為想試多啲唔同嘅醬，所以餐牌上可以俾我哋點醬黎食嘅嘢我哋都叫哂咁滯。雞翼我哋點咗大份8隻，有炸同烤兩種口味，我哋揀咗half half。另外係半份上面再加咗個黑松露試試。之後再點咗個corn dog (你當係熱狗食就得㗎啦)，薯條，芝士條同洋蔥圈。我哋試咗好多種醬，包括我重點推介嘅buffalo醬，少辣之餘帶點酸，用嚟點雞翼一流。已經有黑松露嘅雞翼，我建議唔駛再點醬食，因為咁樣先真正食到黑松露配雞翼嘅味。至於白醬，我就比較欣賞隻墨西哥辣椒，算係咁多隻
餐廳屬小店規模，坐位唔多，全店用咗黃同白兩種顏色做主題，俾人一種幾醒神嘅感覺。除咗堂食之外，我哋都見到有好多人係嚟買外買嘅，可能因為附近有好多辦公室吧。
睇吓餐牌，其實都好易揀，因為除咗主打雞翼之外，只有幾種其他小食可以揀，其賣點反而落咗係佢哋俾客人任揀嘅多種醬汁之上，我睇吓眼都應該有成十幾種醬汁放咗係點餐處前，可以俾客人隨便配搭。令我諗起英國有間出名食雞嘅連鎖，都係咁樣有好多醬汁俾人任揀，估唔到係依度可以俾我回味一吓。哈！
因為想試多啲唔同嘅醬，所以餐牌上可以俾我哋點醬黎食嘅嘢我哋都叫哂咁滯。雞翼我哋點咗大份8隻，有炸同烤兩種口味，我哋揀咗half half。另外係半份上面再加咗個黑松露試試。之後再點咗個corn dog (你當係熱狗食就得㗎啦)，薯條，芝士條同洋蔥圈。
我哋試咗好多種醬，包括我重點推介嘅buffalo醬，少辣之餘帶點酸，用嚟點雞翼一流。已經有黑松露嘅雞翼，我建議唔駛再點醬食，因為咁樣先真正食到黑松露配雞翼嘅味。
至於白醬，我就比較欣賞隻墨西哥辣椒，算係咁多隻之中最有口感嘅醬汁，我將依隻撈埋ranch一齊點嚟食洋蔥圈，一個字，正! 到食Corn dog就最簡單啦， 用番熱狗最傳統嘅食法，芥末醬同蕃茄醬兩溝，搞掂!
另外，芝士條嘅食法都比較搞笑嘅，就係我哋再加上blue cheese醬嚟食，即係入面同出面都係滿哂芝士，一定係肥過肥仔果隻，女士我哋就唔建議咁食啦，咁樣係自殺嘅行為。
最後要講吓薯條，依個我哋首先加左隻牙買加辣椒粉，香口好多又唔算太辣，唔想用茄汁嘅朋友可以試吓用蒜香蛋黃醬嚟點食，都係一個唔錯嘅算擇。
張貼
