微酵烘焙 (MOKO新世紀廣場) (已結業)

Share Le Plain 微酵烘焙 (mk moko) 今日經過moko 見到有間麵包舖好多人排隊喎， 仲有前牌好Hit嘅髒髒包，一於買幾個拎埋返屋企比屋企人試吓啦。由於屋企老人家多所以呢髒髒包就買咗兩個朱古力味，本身仲想試埋佢嘅抹茶味同埋士多啤梨味㗎，唯有下次先啦。 朱古力味都好濃，同埋真係食完成個咀都好污糟，食完變左髒髒了。另外都見左原來佢出咗幾款新品，所以我就試吓啲新品啦。咁多款之中我最鍾意金磚，主要係用牛油，所以成個金鑽都好香牛油味好邪惡啊，呢個真係食完會想再買多一次食。另外都買咗個章魚大哥，因為表妹仲細個，所以呢個章魚大哥就好啱佢啦，主要係用香腸同埋台灣海苔肉鬆做，味道鹹鹹香香，最緊要係造型好得意，小朋友一定會鍾意。另外呢度都有得買手搖飲品我就試咗個奶蓋法國特濃朱古力，食個包飲杯野做下午茶，爽歪歪的。