雲桂香米線專門店

營業中

休息中

近排玩減肥主題，其實食呢間嘅米線有d肥、有d咸，不過真係好想食，軟弱嘅我同自己講，間唔中一餐啫，唔過份啦... 又俾個excuse自己放肆一餐我同老公次次必定叫 '腩肉+豬腸 小鍋米線' 。呢間餐廳辣度有好多級選擇，我唔係好食得辣，選小小小辣。腩肉、豬腸、湯底味道好濃郁，好開胃。我好鍾意食herbs, 芫荽係我其中一樣至愛，而呢間餐廳嘅米線有ok多芫荽，好食我份外開心。p.s. 湯底應該係點都有d味精，如果唔係冇咁濃郁，我地食完有口喝。通菜方面，我為左要低鹽，冇點腐乳醬，食到菜嘅原味，我覺得d菜麻麻地，唔知你唔夠新鮮定係煮得唔好，總之唔係咁好食。奶茶ok好飲，ok香滑。