滇二哥雲南米線

營業中

休息中

下午茶時段口痕痕，想食少少嘢又唔要咁熱氣，於是我同老婆就決定去食米線。呢間店喺正mikiki對面，星期日下晝去冇乜人。下午茶餐由2點半供應到6點，每人都要碗腩肉米線（$30）（酸辣小辣），我果碗加$2轉薯粉，可以配豆漿或熱飲，我地揀左豆漿。腩肉辣辣地好惹味，米線本身已經有肉碎、酸菜、芽菜、韭菜、蔥同芫茜，所以好香；而且酸辣湯底夠濃味，叫左小辣都幾辣，辣味慢慢滲出黎，好在呢度夠冷氣，如果唔係實食到成身汗呢。$30腩肉米線茶餐，算係抵食。