8鍋臭臭鍋 (葵芳匯)

營業中

休息中

同朋友係葵芳行到攰，搵咗間坐得舒服啲嘅餐廳，休息一下，順便醫埋個肚，之前成日食尖沙咀嗰間，而家葵芳都有得食啦，晚飯時間仲好似少啲人等添。而今次店員仲安排咗我哋坐卡位，好多空間，係唯獨坐某啲位會有盞射燈照住者。今次叫咗香蒜濃湯鍋小辣，唔知係咪因為叫小辣，所以連蒜味都俾想像中輕描淡寫，但唔緊要，依間餐廳好在可以自己再加料，即刻加多匙蒜蓉落去……而家都仲回味緊。肉類方面就叫咗雞肉，不過不失啦，其他丸同菜嘅份量都唔少，再加埋個吸水粉絲，真係飽到上心口。而醬料方面，好欣賞佢個豆瓣醬，唔係平時個啲得個酸字，係有種台味嘅感覺。