Burgeroom (美麗華廣場1期) (已結業)

鵝肝牛肉漢堡($168)，餡料包括有鵝肝、牛肉、蕃茄、生菜，鵝肝厚身飽滿，有光澤是鵝肝自身既油脂，食落滿口充斥住油脂香味，吞左都keep住餘韻停留在口腔，牛肉有肉汁，而且被一層半溶芝士包住，可以每一啖都食到芝士。黑松露芝士大烤菇煙肉牛肉漢堡($130)，餡料包括大烤菇、煙肉、牛肉、蕃茄、生菜，大烤菇唔乾身，好軟腍，牛肉漢堡食落仲會咬到一粒粒細小牛肉，可增加咬口口感，黑松露醬味道岩岩好，唔會太濃或太淡。香脆雞塊配芝士醬($70)，共有6粒，每粒都沾滿芝士，芝士醬經過店家調製，質地帶有“杰”身，芝士味道更濃郁，雞肉塊帶有少少脂肪，肉質好嫩滑。