影片
更多
2019-06-28
6558 瀏覽
近年食多咗素，亦知道坊間更開咗唔少素食自助餐餐廳，但講真，就真喺一次都未試過。友人就貪新鮮，建議一齊去試吓，小弟就當然樂意奉陪啦，齊齊嚟到「素一」，橫「素」各種美食。餐廳位於地庫，可謂別有洞天，門面睇落已予人感覺清新，一室亮白，牆上簡單嘅樹木、雀鳥嘅彩繪，加上地方大、高樓底，都彷彿有種寧靜感。自助區集中晌餐廳後方，但就無明顯嘅區域分別，用食物嚟分，就大概可分為沙律、小食、日式、熱盤、甜品及飲品，店員不時補充食物，成晚所見，都甚少「缺貨」。飲品介紹吓有咩可以任飲先，既然喺嚟食素，汽水一類就肯定無架喇，有提供幾款健康飲品：豆漿、紅菜頭檸檬水、羅漢果水，另外，熱水就用嚟沖泡啲中國茶。紅菜頭檸檬水、羅漢果水因為呢兩款都較特別，當然要試吓啦，前者酸酸甜甜，比預期嘅味道清爽，後者就感覺較清潤，甜味都嚟得自然，兩款飲品都喺暖暖哋嘅，更適合女生或上年紀嘅客人飲。沙律就晌食物區左邊，自成一角，枱上放有幾款沙律菜，數款配料及醬汁，陣容唔算好強勁，但部份醬汁就有啲賣點，如芒果醬、山葵沙律汁，但最搞嘢就有XO醬，真唔知搵後者嚟撈沙律會喺點。隨意拼湊咗份沙律，又見隔離有啲燒菠蘿，搭埋一齊，淋上黑醋配芒果醬，喺一
餐廳位於地庫，可謂別有洞天，門面睇落已予人感覺清新，一室亮白，牆上簡單嘅樹木、雀鳥嘅彩繪，加上地方大、高樓底，都彷彿有種寧靜感。
自助區集中晌餐廳後方，但就無明顯嘅區域分別，用食物嚟分，就大概可分為沙律、小食、日式、熱盤、甜品及飲品，店員不時補充食物，成晚所見，都甚少「缺貨」。
飲品介紹吓有咩可以任飲先，既然喺嚟食素，汽水一類就肯定無架喇，有提供幾款健康飲品：豆漿、紅菜頭檸檬水、羅漢果水，另外，熱水就用嚟沖泡啲中國茶。
紅菜頭檸檬水、羅漢果水因為呢兩款都較特別，當然要試吓啦，前者酸酸甜甜，比預期嘅味道清爽，後者就感覺較清潤，甜味都嚟得自然，兩款飲品都喺暖暖哋嘅，更適合女生或上年紀嘅客人飲。
沙律就晌食物區左邊，自成一角，枱上放有幾款沙律菜，數款配料及醬汁，陣容唔算好強勁，但部份醬汁就有啲賣點，如芒果醬、山葵沙律汁，但最搞嘢就有XO醬，真唔知搵後者嚟撈沙律會喺點。
隨意拼湊咗份沙律，又見隔離有啲燒菠蘿，搭埋一齊，淋上黑醋配芒果醬，喺一道唔錯鮮爽嘅頭盤。
姬松茸蟲草花粟米燉湯食完啲生冷嘢，嚟個湯就正好，雖然食物區都有備兩款湯水，但每位客人都會額外獲奉送一客素燉湯。雖然喺素湯咋，但落足料，唔會「淡茂茂」，入口清甜滋潤，實在不俗。
不過，菇菌湯未必人人都啱，所以，出面嘅兩款熱湯：粟米海底椰湯和白胡椒咸菜涼瓜湯，俾大家多一個選擇。
冰鎮咕嚕肉除上述嘅素燉湯，每位客人都會奉送即做嘅冰鎮咕嚕肉，份量視乎同枱客人人數，人多嘅話就會好似我哋呢盤咁靚仔。「咕嚕肉」入口酸爽唔嗆喉，口感真喺頗似肉，最爽喺依家天口熱，食落就更覺冰涼舒暢。
小食用小食類形容，可以有啲籠統，總之就林林總總，小食、冷盤、前菜乜都有啲，大部份都貼有名牌，一口氣詳列晒有啲咩揀：燒菠蘿、炸秋葵、素餃子、雲耳、胡麻醬青瓜、糯米釀涼瓜、天婦羅、沙嗲羊肉串、香煎腐皮卷、大蔥春卷、炸饅頭、油酥餅、什錦素薄餅、法式麵包、燻魚、蜜汁叉燒……等等，數數埋埋成廿幾嘢食。
隨心隨意拎咗一小碟返嚟，啲炸秋葵、炸茄子幾好，食落唔喺好油膩；沙嗲羊肉串無論個樣，定口感，都幾像真，而且，啲沙嗲推得幾香濃，燻魚及叉燒亦做得唔錯。
和食日系食物，就以「壽司」為主，件件都維俏維妙扮晒嘢，此外，仲有好多卷物，以及中華沙律、日本番薯仔、枝豆、冷烏冬、胡麻豆腐、紫薯沙律……等等。
基本上啲米飯煮得恰好，啲壽司或壽司卷嘅味道都唔差，只喺素魚生始終喺素，口感都喺失真少少，純為過吓口癮而已。反而，正正經經嘅胡麻豆腐就好食好多。
熱盤近尾聲，再嚟一輪熱盤就差不多喇。就晌食物區嘅中央，放咗近廿款嘅熱食，包括：薑醋蛋（題外話，有位婆婆問店員點解裡面無豬手，哈哈！）、葡汁焗四蔬、炒銀針粉、上海烤麩、炒椰菜、豆卜炆冬瓜、麻婆豆腐、上湯浸娃娃菜、粟米、芋頭、蕃薯、紅米炒飯、豉油皇炒河、南乳炒藕片、欖菜四季豆、煙肉雲耳炒沙葛、南乳枝竹節瓜、雜菌炆南瓜、清炒菜心，應該附合到大部人嘅口味。
熱盤就屬比較正規啲嘅素食菜式，唔會搞咩扮呢樣扮嗰樣，無乜素雞牛豬海鮮之類嘢。隨意撈咗一大碟，雖然無試晒，但整體晌味道上都做得唔錯，食落唔會話因為都喺素菜而覺得好寡。
甜品甜品類嘅食物就分布得比較散啲，但大相概都有豆沙餅、紫薯球、南瓜餅、煎堆仔、芝麻糕、蕃薯糖水、椰汁雪燕及海帶綠豆沙。
甜品款式唔算多，基本上喺可以試晒，到我食嘅時候，蕃薯糖水已經轉為海帶綠豆沙。小弟就幾鍾意啲紫薯球、南瓜餅，因為外皮做得煙糯不黏牙，前者嘅紫薯好香，後者嘅南瓜好粉甜，而椰汁雪燕你唔撈一撈底嘅話，就變咗只喺椰汁西米露，雪燕被評為平民燕窩，好有營養價值。
如果有食開揀素嘅朋友都知，咪以為就咁喺啲蔬菜嘢，其實食餐素都唔平，而以自助餐形式，既可以一個定價就試到多啲嘢，如果大班人嘅話就更可各取所好。再者，「素一」個場真喺比時下唔少素食自助餐啲場又大又光鮮。
張貼
