岩盤牛扒 ミディアムレア ステーキ (博文街) (已結業)

門口 menu 清楚寫明唔同嘅肉類，每個gram嘅售價，而且雪櫃一眼睇通肉質靚唔靚，可自行選擇。選好牛柳， 店員即時砌出嚟上磅， 自助式比錢！我嗌咗個牛柳配蔥油，跟餐，沙律湯及飲品。裏面環境，都好舒服，好有日本feel，需要自助，自己取圍裙，自己取餐，自己放好食完嘅物件，這種自助主義我十分歡迎。牛柳豐富肉味，配上蔥油醬料，自行加上黑胡椒及海鹽作為調味！自己控制好食嘅時間，自巳切出嚟保持半生熟嘅感覺，牛柳肉質，好軟熟。