小洋蔥 (已結業)

呢年幾有疫情下少咗出街食多咗叫外賣,幫襯小洋蔥約5-10次自取外賣但大約一半都發生執漏嘢情況,我次次叫雜扒餐,唔係執漏搽麵包D牛油就係個扒個汁,我好多個月冇幫襯今晚再叫所以唔記得佢一向興漏嘢冇打開袋check,一返屋企打開就提番我呢樣嘢,以往叫得密D時我真係次次check,今次冇check即中招,冇咗個汁,頂!你估住隔離咩又要行一大段路返去一係就乾哽意粉,唔再叫佢D外賣了!你要叫嘅記得要次次自行check完至好走啊!佢哋人手分配阿水放乜叉落袋唔清唔楚㗎!