自家烏冬 (已結業)

吉列豬排咖喱烏冬 $58中學同學聚會九個人去左中學附近嘅自家烏冬食晚飯。星期五夜晚真係好多人，不過因為位夠多，我地分枱最後等左半個鐘就入左去。呢度係用ipad點菜嘅，因為幾得意同好少見，所以我地成班人都玩左一陣先點好菜。吉列豬排幾脆，好香口，配埋d沙律醬更加好味。不過肉有d韌。烏冬嘅質感冇我想像中咁好，唔彈牙，一咬就斷。不過咖喱湯底就好好喇，夠濃，唔會稀到冇味 。總括黎講都ok，不過鋪名叫自家烏冬，烏冬唔好食呢點有d諷刺。