江南瀨粉 (福榮街) (已結業)

深水埗出名多野食，尤其黃金商場附近，每次黎到依度，都要諗好耐，因為有太多選擇，豬膶麵、蕃茄手攪麵、清湯牛腩等等。今次就試咗間叫江南瀨粉。朋友話依間自家製，味道同出面唔同。舖頭裝修簡潔燈光足，最緊要地方乾淨。我就叫咗白灼鵝腸牛腩瀨粉，朋友就叫咗肥牛加鯪魚球米線，仲推介酥炸雲吞。必食推介首選招牌瀨粉，瀨粉係老闆每日人手製作，半肥牛腩煮得非常入味，仲有一種入口既溶嘅感覺，鵝腸又非常爽口，雲吞即叫即炸，綾魚球魚味十足，清湯入口鮮，絕無味精。每樣食物老闆都落足心機，加上每樣配菜最贵都係十元，真心值得推介。