影片
更多
2018-02-11
57 瀏覽
相信好多喺香港長大嘅人，從少就會接觸到荳品。冬天時，細細個就已經喺7-11叫爸爸媽媽買熱維他奶飲；夏天時，又會叫家人同自己去食凍冰冰嘅豆腐花。家常小菜總離唔開荳品。每次去唔同嘅荳品店，都有唔同嘅感受。有啲老店，會令我有種懷舊感，不時會去懷緬一下以前同婆婆一齊買完餸，好開心咁食豆花嘅開心時光。今次，去嘅係一間新店。但，原來新店亦別有一番風味。小店位於銅鑼灣嘅鬧市，正正就係Times Square嘅斜對面。行完街想去搵車搭返屋企嘅時候就經過見到佢，即刻同大少入去嘆下豆花先。今時今日，想喺鬧市站得住腳一啲都唔易，要保持品質之餘都要創新，呢度就令我覺得兩者兼備喇！平時食豆花都係加糖水或者黃糖，我叫嘅呢個薑汁紅豆豆花就係加咗平時食蕃薯糖水果啲薑汁，甜度剛好，薑味非常濃郁但又唔會辣到蓋過豆香，配上滑滑嘅豆花，真係好夾。紅豆大大粒，唔會煮到過腍，依然有少少咬口。創新當然唔止一樣啦！呢杯係胚芽豆花豆漿，聽個名可能會好疑惑究竟係豆花定係豆漿啊？佢就係二合一喇！以前係台灣都有飲過類似嘅飲品，係杯豆漿入邊加入豆花，有得食有得飲。但係呢度仲可以配搭唔同嘅配料，好似胚芽啊涼粉啊等等⋯⋯以前細細個淨係鍾意食豆腐花
每次去唔同嘅荳品店，都有唔同嘅感受。有啲老店，會令我有種懷舊感，不時會去懷緬一下以前同婆婆一齊買完餸，好開心咁食豆花嘅開心時光。
今次，去嘅係一間新店。但，原來新店亦別有一番風味。
小店位於銅鑼灣嘅鬧市，正正就係Times Square嘅斜對面。行完街想去搵車搭返屋企嘅時候就經過見到佢，即刻同大少入去嘆下豆花先。
薑汁紅豆豆腐花
8 瀏覽
0 讚好
0 留言
今時今日，想喺鬧市站得住腳一啲都唔易，要保持品質之餘都要創新，呢度就令我覺得兩者兼備喇！
平時食豆花都係加糖水或者黃糖，我叫嘅呢個薑汁紅豆豆花就係加咗平時食蕃薯糖水果啲薑汁，甜度剛好，薑味非常濃郁但又唔會辣到蓋過豆香，配上滑滑嘅豆花，真係好夾。紅豆大大粒，唔會煮到過腍，依然有少少咬口。
胚芽豆花豆漿
9 瀏覽
0 讚好
0 留言
創新當然唔止一樣啦！呢杯係胚芽豆花豆漿，聽個名可能會好疑惑究竟係豆花定係豆漿啊？佢就係二合一喇！以前係台灣都有飲過類似嘅飲品，係杯豆漿入邊加入豆花，有得食有得飲。但係呢度仲可以配搭唔同嘅配料，好似胚芽啊涼粉啊等等⋯⋯
煎釀豆腐
10 瀏覽
0 讚好
0 留言
以前細細個淨係鍾意食豆腐花，每次婆婆叫煎釀豆腐我都淨係食咗夠魚肉就算，都唔識得欣賞煎釀豆腐嘅美味。呢度嘅煎釀豆腐真係好唔錯，豆腐夠實淨，但係唔會係覺得硬繃繃嘅口感！魚肉嘅比例剛剛好，夾埋嚟食真係好好味！而且佢煎到兩面金金黃黃，仲帶啲香口嘅感覺㖭！
我同大少一路點頭一路話好好食，唔知係店員定係老闆娘嘅一位女士就同我地講呢度幾多荳品全部都係每日新鮮製作，自家製所以荳品都係好新鮮嘅。聽完呢句更加覺得值得支持下，喺香港做生意咁困難，仲要係呢一啲手作嘅工業，更加值得支持！
張貼
