麵麵 (已結業)

一直聽聞呢間魚烏冬好特別，所以出開旺角就黎試下喇♡佢嘅烏冬同一般好唔同，係自家研發加左魚肉而製成，配埋濃魚湯，鍾意食魚嘅我一聽就覺得好吸引。叫左兩個午餐套餐，一個係黃金芝士魚餅濃魚湯魚烏冬，一個係古早味滷水雞翼濃魚湯魚冬。飲品叫左愛爾蘭咖啡同朱古力咖啡，愛爾蘭咖啡同忌廉溶合帶少少酸酸甜甜味幾好飲，朱古力咖啡就偏苦，適合唔鍾意太甜嘅朋友。愛爾蘭咖啡朱古力咖啡黃金芝士魚餅濃魚湯魚烏冬魚烏冬因為加入魚肉令質感較為粗糙，但質地則較一般烏冬彈牙，好似食緊麵條狀嘅魚蛋咁。濃魚湯比想像中清淡，黃金芝士魚餅真係有少少芝士夾心，個人幾鍾意食，而且形狀好可愛♡加8蚊叫左個魚肉春卷，外皮多層夠鬆脆，配埋佢嘅辣椒醬非常好食👍