美味佳 (已結業)

我好鐘意食串燒，每次去到紅磡，都會搵機會嚟食呢間明星串燒店！今次係假日嚟嘅，為咗唔使排隊等，我特登早啲過嚟。嚟到門口，姐姐會俾張點菜紙你，要落咗單先會安排入座前架。記得要諗清楚先好落單，因為點完就唔得再加喇。今次同其他三枱搭埋，個位好逼，所以都難啲影相。不過，啲串燒真係keep到水準，好夠焦香味，又唔會太乾柴，尤其係佢哋嘅雞全翼，配埋鋪面嘅特製醬一齊食，先係最香口！另外，燒粟米同豆卜都好好味！之後有機會，我一定會再嚟食呢間明星串燒店嘅美食，不過希望下次可以坐得舒服D！