伊賀日本燒肉料理 (已結業)

今日同女朋友喺尖沙咀行完街，經過The Hart見到呢間燒肉店，都見有啲肚餓，所以同女朋友上咗去試一試呢間嘅燒肉店。店內好寬大，而且座位舒適，全部座位都係大枱，唔會令到人覺得狹窄，而且全部都係好舒服嘅梳化椅。而餐廳亦都好窩心，喺枱度有張餐紙，係教人大火用嚟燒牛肉嘅，細火用嚟燒雞肉同豬肉。喺燒烤爐嘅側邊，亦都有好多嘅醬料，方便我哋燒完之後自行添加，但係餐廳提示我哋大部份嘅豬肉已經經過醬汁調味醃製，所以都建議我哋燒完豬肉自己添加醬料。落單亦都好方便，你用餐廳提供嘅iPad 想食乜嘢，就將啲食物添加，簡單而又環保。雖然餐廳有提供壽司，但係我哋都冇乜點叫道，主要都係食燒肉。另外我覺得最值得推介嘅係呢度嘅虎蝦，大隻之餘，都好新鮮。