棕櫚閣西餐廳

營業中

休息中

呢排有幾個親戚嚟到香港，所以就帶佢哋去食自助餐，因為自助餐入邊有晒中西日等等嘅口味，可以一次過滿足晒拒哋嘅需要，唔怕俾我哋話招呼唔周到。但係身為香港人嘅我，已經食過香港好多嘅自助餐，所以普通嘅食物我就唔特別講啦，我就推介幾款的一道比較好食嘅。冷盤嘅牛肉唔係到到都會有，其他地方嘅冷盤可能只會有沙律，多嘅話會有返日式冷盤，係呢度會有薄切的冷牛肉，中間還有嫩紅色，味道不錯。雜菌海鮮夾餅，我大愛呢種。外面係用一層好薄嘅皮，呢個被煎香左之後會非常之脆身，入邊就包左好多唔同嘅雜菌同埋芝士，即叫即整即食好正。燕窩燉奶好少自助餐會有中式嘅甜品，特別係呢一個燉奶，所以我一口氣都食咗兩碗，佢呢度嘅燉奶有中式嘅傳統風味，非常之滑溜同埋香濃，必食。跟住就係一人一份嘅海膽啦，呢度其實絕對唔孤寒，每一個人會有一份自私嘅海膽同埋蟹子沙律，唔好睇佢細細地嘅一份，其實佢嘅份量都非常之夠，一個人食啱啱好。 最後想講講就係佢嘅雪糕啦，佢用咗名牌嘅雪糕，有士多啤梨，雲呢拿同埋朱古力三個口味，喺食完正餐之後食返個雪糕再喺隔離沖番杯熱嘅咖啡飲，好舒服。