影片
更多
2021-12-16
346 瀏覽
📍 616牛肉火鍋專門店第一次食616就係試午市先有嘅小火鍋，一人一鍋岩岩好，個日入座嘅客人全部都有嗌一人一鍋，好受歡迎～🍽食物：午市小火鍋套餐$78同屋企人食嗌左4個小火鍋，分別可以揀湯底、肉同飯/公仔麵/烏冬，以下係我哋揀嘅湯底：👍🏻理想點鮮+俄羅斯金花趾呢個嘅擺盤係最靚😂湯底用牛腩同牛骨熬出嚟，好有鮮味，同火鍋料好夾～ 金花趾冇乜脂肪同埋有牛味 👍🏻熔岩沙嗲湯+滑尾龍沙嗲湯好香嘅花生味而且會愈煮愈濃，仲有粒粒花生碎，淥牛肉真係好正，唔怕重口味嘅真係要試下！最後加公仔麵係絕配🤤滑尾龍就係牛嘅後腿肉，所以比較靭，但有肉味搭救👎🏻鮮牛油麻辣湯+俄羅斯封門柳麻辣湯底最唔推🥲淨係得辣油嘅死辣，食唔到其他香料味，仲愈滾愈辣，連麻既感覺都冇，連食材嘅味都食唔到，最後要過水先食到😂封門柳牛味好濃，可惜跟錯湯底🥲👉🏻青花椒辣湯+牛駝峰有啲似酸菜魚嘅湯底，愈煮會愈辣，仲有啲酸菜一齊滾，味道唔會好鹹，但係味道比較單調冇乜特別。牛駝峰嘅雪花比較多，食落都比較淋入面都有固定嘅料：娃娃菜、金菇、蜂巢豆腐、蛋餃、熟帆立貝、牛丸、貢丸配料味道都係正常，我最中意蜂巢豆腐，可以索晒湯底嘅味道～👍🏻匙柄 $48上到嚟
第一次食616就係試午市先有嘅小火鍋，一人一鍋岩岩好，個日入座嘅客人全部都有嗌一人一鍋，好受歡迎～
🍽食物：
午市小火鍋套餐$78
同屋企人食嗌左4個小火鍋，分別可以揀湯底、肉同飯/公仔麵/烏冬，以下係我哋揀嘅湯底：
👍🏻理想點鮮+俄羅斯金花趾
呢個嘅擺盤係最靚😂湯底用牛腩同牛骨熬出嚟，好有鮮味，同火鍋料好夾～ 金花趾冇乜脂肪同埋有牛味
👍🏻熔岩沙嗲湯+滑尾龍
沙嗲湯好香嘅花生味而且會愈煮愈濃，仲有粒粒花生碎，淥牛肉真係好正，唔怕重口味嘅真係要試下！最後加公仔麵係絕配🤤滑尾龍就係牛嘅後腿肉，所以比較靭，但有肉味搭救
👎🏻鮮牛油麻辣湯+俄羅斯封門柳
麻辣湯底最唔推🥲淨係得辣油嘅死辣，食唔到其他香料味，仲愈滾愈辣，連麻既感覺都冇，連食材嘅味都食唔到，最後要過水先食到😂封門柳牛味好濃，可惜跟錯湯底🥲
👉🏻青花椒辣湯+牛駝峰
有啲似酸菜魚嘅湯底，愈煮會愈辣，仲有啲酸菜一齊滾，味道唔會好鹹，但係味道比較單調冇乜特別。牛駝峰嘅雪花比較多，食落都比較淋
入面都有固定嘅料：娃娃菜、金菇、蜂巢豆腐、蛋餃、熟帆立貝、牛丸、貢丸
配料味道都係正常，我最中意蜂巢豆腐，可以索晒湯底嘅味道～
👍🏻匙柄 $48
上到嚟即刻俾人瓜分左影唔切相😂好彩都有close up，牛味好濃而且脂肪唔多得黎佢又做到好軟淋，食落去應該唔會係用咗梳打粉那過啲肉，可見品質方面好好，難怪個個嚟到都會嗌，我覺得係咁多款肉入面最好食個隻
👉🏻菊花桂圓露 $15
為左解辣而嗌都係冇影到相😂好似一般菊花茶，唔算好甜
醬料 $10/位
⛩環境
👉🏻本身睇張枱都幾大，但叫左一人一鍋之後發覺都幾迫😂不過晚市打邊爐應該還好
👉🏻環境闊落，燈光都好光猛，不過地下有啲痴痴地扣分
💁🏼♀️服務
👉🏻員工上菜前會介紹菜式，服務態度正常，唔會話特別好笑容
👉🏻係醬料區隔離有水壺自助斟水，涷熱水都有
📝總評
一人一鍋夠方便唔洗爭食😂而且價錢合理，散嗌仲有折頭都算幾抵食～今次試曬咁多湯底，理想點鮮同沙嗲湯真係最出色👍🏻 如果encore我都會嗌返呢2款～ 再試勻唔同部位嘅牛🤤
👛人均消費 ~$90(冇加一)
⏱冇限時
張貼
