影片
更多
2025-01-11
48 瀏覽
去開港島最鐘意去天后區食甜品，今日俾我發現呢間froyo店，係清風街天橋下位置，門面簡潔清新。食乳酪雪糕最開心係有好多唔同種類嘅配料揀，呢度選擇有超過20款，連醬都有9款。我同朋友都揀咗自選牛角杯，我係綠茶控，揀左抹茶牛乳醬，配料就揀抹茶奶凍、抹茶麻糬、朱古力麻糬同草莓凍乾。另一杯就揀Baileys朱古力醬，咖啡蛋白霜糖、brownie、oreo、朱古力碎石。唔使等好耐就整好，兩杯未食見到都超吸引，配料同froyo分唔同層次。牛角酥餅超大塊，超鬆脆，甜甜地，同froyo一齊食口感一流！乳酪雪糕味道唔會過甜或過酸，味道啱啱好，抹茶奶凍有驚喜，抹茶味濃又唔會太甜。草莓凍乾脆口又酸酸地，同乳酪雪糕一齊食好夾。蛋白霜糖成日食到，咖啡味就第一次食，估唔到咖啡味又幾夾乳酪雪糕。Brownie 份量唔吝嗇，朱古力味又香濃。下次經開都要再食！
食乳酪雪糕最開心係有好多唔同種類嘅配料揀，呢度選擇有超過20款，連醬都有9款。我同朋友都揀咗自選牛角杯，我係綠茶控，揀左抹茶牛乳醬，配料就揀抹茶奶凍、抹茶麻糬、朱古力麻糬同草莓凍乾。另一杯就揀Baileys朱古力醬，咖啡蛋白霜糖、brownie、oreo、朱古力碎石。
唔使等好耐就整好，兩杯未食見到都超吸引，配料同froyo分唔同層次。牛角酥餅超大塊，超鬆脆，甜甜地，同froyo一齊食口感一流！
乳酪雪糕味道唔會過甜或過酸，味道啱啱好，抹茶奶凍有驚喜，抹茶味濃又唔會太甜。草莓凍乾脆口又酸酸地，同乳酪雪糕一齊食好夾。
蛋白霜糖成日食到，咖啡味就第一次食，估唔到咖啡味又幾夾乳酪雪糕。Brownie 份量唔吝嗇，朱古力味又香濃。下次經開都要再食！
張貼
