add@Prince (裝修中)

話說為了準備自己生日飯，一早睇定食乜，見 add@prince 做緊特價成人$508/位，2成人1小童免費，仲有75折，。主題仲要係龍蝦岩晒我啦～緊係立即訂位。因為要等埋老公收工，所以 book 左 7:00pm。7:15pm 去到門口已見到一個Dessert counter，地方不大食物款式不多……以為裡面擺唔晒先擺出來，點知唔係囉～ 行左一圈，已經好失望，望落去真係唔多野食。第一時間搵冷盤龍蝦，行左一圈都唔見，只見到蝦同青口。後來終於見到有，原來每次只拎5隻出來，好快就比人清晒，而且要等好耐先 refill。尾聲才見到可以影相。其他龍蝦產品，都係好一般，而且我眼見多數得返D頭，冇乜肉可以搵到。呢個上湯龍蝦烏冬呢個咖哩定印度式呢個泰式刺身方面，三文魚，吞拿魚，甜蝦。但師傅切得好細塊，仲要每次比得3小塊，吞拿魚多根而且切到痴埋晒又爛蓉蓉。總結，如果想食龍蝦，我令願用匯豐信用咭去 Regent Hotel 食好過，起碼選擇多好多。