Sugar Land (已結業)

題外話/補充資料： 1月1日...即係尋日..實在實在令人太嬲喇...:huffy:其實唔係佢食物的問題...我應承左屋企人同佢地去試下呢個甜品店嘅野食...佢地8個長輩都係我爸媽同埋叔叔嬸嬸咁呀~年紀都有返咁上下... 等埋我收工一齊去食呢間甜品想話快食完就走啦.. 去到冇人等位架喎...10個人一入去就有位...咁大家就開始點野食喇..由於menu手寫..有d圖有相..大家都係看圖叫野食啦..我姑姐姑丈外國返黎..想話有得食就好開心架喇...10個人我地叫左6個甜品share啦...其實佢d甜品都50幾60蚊一個...個個又食飽晒...叫6個甜品..唔過份吧... 落晒單後...大概3分鐘 就黎料喇...佢地d侍應呀..不知所謂...行埋黎話..其實係menu度寫左一人一定要叫一個甜品... 即係要我地叫10個...咁初初我冇睇個menu :huffy:唔知有咁嘅規矩...其實佢地食飽晒..想話食d甜品姐... 佢地都堅持要我地一人一個...咁ok~姑丈同姑媽唔食..出門口等我地...(得返8個人) 佢仲要我地叫埋果2個...咁我就問佢...如果我地而家取消張單..唔要喇..佢地話..整緊..冇得取消... 即係言下之意..要我地一定要再order...同埋要食左我地order 嘅野... 我爸爸都係明白事理..只係話... "其實一早落單嘅時候..你提我地要一人一個甜品..我地唔會阻你做生意...同埋我地本身都只係想試下..快食快走架喇....點解你地唔講..." 佢地一句道歉都冇..仲唔俾人離開..同佢理論完....佢地都唔覺得自己有問題...冇道歉之餘仲要強調menu有寫要一人叫一個 係威嘅..有生意做都咁...未見過有d甜品鋪d招數做到咁爛...呢間sugar land令人好失望