影片
更多
2019-05-02
47 瀏覽
「崟」無疑係我食過最好食嘅鐵板燒，沒有之一。今日同女友去元朗一日遊，夜晚book左係高埔村既崟，喺錦上路地鐵站出面搭巴士，大約10分鐘就到達。一睇門面已經感覺闊氣，係門前隱約見到師傅嘅身影，已經急不及待會一會師傅。入面環境唔算大，可容納十幾人左右，但每個位都非常闊落，尤其係坐喺師傅面前既位子。除咗可以欣賞師傅精湛嘅手藝，仲可以同師傅互動，向他討教食材。最重要係師傅非常風趣。坐低冇幾耐就會送上前菜同田螺一份。前菜唔係一般嘅沙律菜，而係通常係火鍋食嘅冰菜。凍食特別爽脆清甜，而且本身冰菜相當百搭，加上蕃茄、醋一樣好味。另外螺用酒煮，肉質更鮮甜。難得山長水遠嚟到，當然要食最貴嘅套餐。最貴嘅套餐係$1980/2位，而且有兩款，分別係特上活龍蝦鐵板燒同特上活鮑魚鐵板燒。我個人傾向龍蝦，所以揀左前者。套餐包括龍蝦、帆立貝、白甘鯛、響螺、和牛、炒飯、湯、炒野菜同甜品。首先上菜嘅係白甘鯛配黑松露枝豆汁。估唔到第一道菜已經咁驚豔。第一次魚連魚鱗一齊食。魚鱗炸到脆卜卜，加上白甘鯛魚肉非常嫩滑。本身味道較清，但沾上枝豆汁就非常滋味。聽師傅一般青椒都唔辣，100條青椒入面大約得2條辣，好彩我嗰條唔辣。第二道菜係
今日同女友去元朗一日遊，夜晚book左係高埔村既崟，喺錦上路地鐵站出面搭巴士，大約10分鐘就到達。一睇門面已經感覺闊氣，係門前隱約見到師傅嘅身影，已經急不及待會一會師傅。
入面環境唔算大，可容納十幾人左右，但每個位都非常闊落，尤其係坐喺師傅面前既位子。除咗可以欣賞師傅精湛嘅手藝，仲可以同師傅互動，向他討教食材。最重要係師傅非常風趣。
坐低冇幾耐就會送上前菜同田螺一份。前菜唔係一般嘅沙律菜，而係通常係火鍋食嘅冰菜。凍食特別爽脆清甜，而且本身冰菜相當百搭，加上蕃茄、醋一樣好味。另外螺用酒煮，肉質更鮮甜。
難得山長水遠嚟到，當然要食最貴嘅套餐。最貴嘅套餐係$1980/2位，而且有兩款，分別係特上活龍蝦鐵板燒同特上活鮑魚鐵板燒。我個人傾向龍蝦，所以揀左前者。套餐包括龍蝦、帆立貝、白甘鯛、響螺、和牛、炒飯、湯、炒野菜同甜品。
首先上菜嘅係白甘鯛配黑松露枝豆汁。估唔到第一道菜已經咁驚豔。第一次魚連魚鱗一齊食。魚鱗炸到脆卜卜，加上白甘鯛魚肉非常嫩滑。本身味道較清，但沾上枝豆汁就非常滋味。聽師傅一般青椒都唔辣，100條青椒入面大約得2條辣，好彩我嗰條唔辣。
第二道菜係北海道帆立貝。帆立貝兩面煎得焦香，入面濕潤juicy。三文魚子特別醃製過，所以完全唔腥。另外下面紫菜湯加添帆立貝嘅鮮味，更加清甜。
第三道菜係響螺，本身夠味道， 非常爽口。
終於到龍蝦啦！喺製作過程中，師傅首先將龍蝦切件去燒，再落牛油，所以上菜時已經剝晒殼。龍蝦肉質結實彈牙，醬汁係用海膽同蟹膏混成，味道非常配合，而且更顯奢華。
焦糖多士算係套餐之中最普通不過嘅食物，但味道賣相依然出色。師傅喺製作過程中會灑上大量嘅糖，但其實麵包只會吸收表面既糖，所以味道唔會過甜，而且外表金黃香脆。
食A5和牛之前，師傅會先送青檸啫喱清一清口腔，而我亦屏息着，等待和牛嘅來臨。
每間鐵板燒都有屬於自己餐廳嘅麵包。麵包上面就係來自鹿兒島嘅A5和牛！放喺麵包上面可以令和牛冇咁油膩。外皮稍帶脆口，入口既溶，一咬肉汁喺口腔爆發。但願我可以食多幾件。
逐漸進入倒數階段令人非常唔捨得。炒飯用上櫻花蝦、蛋、蔥、和牛碎，香氣十足，而且粒粒分明。
炒野菜以芽菜為主。自己本身唔太鍾意食芽菜。但今餐實在太深刻。為向師傅表示尊重，我決定食曬啲芽菜。食完不禁問自己點解芽菜都咁好味。
最後仲有鯛魚湯同雪糕，鯛魚湯膠質特別豐富，魚味鮮濃。雪糕方面我同女友分別揀咗綠茶同柚子味。
從前菜、海鮮、和牛、炒飯、炒野菜到雪糕，水準仍然非常高。更難得嘅係可以同師傅交流，真正食得開心。
張貼
