上海婆婆 (已結業)

上海婆婆剛開店時光顧一次，感覺為何食物質素一般仍有咁多人瘋狂等位？所以決定短期內唔再幫襯。事隔多年，是晚因有位朋友對上海婆婆有興趣，所以再次幫襯，是次既有驚喜，亦有一肚氣！可能開多左間上海餐廳，是晚等位時間無咁耐，係可以接受既程度，大既等左20 mins，就被安排入坐。決定點菜，有一位著西裝打呔既女部長為我地落單，佢全程都無同我落單既朋友們有eye contact過，好似瞓厲頸咁，我地只見過佢左邊面，最記得就係佢隻左耳！所以要找佢出黎，真係要睇返隻左耳先認得！ 服務態度亦麻麻，落order無feedback，落完一支箭標走，又無覆單，負責落單既朋友都唔知呢位部長有無落錯，亦比我地一種好無禮貌既感覺… 松子雞米配叉子燒餅：我超鍾意食生菜包，所以生菜包concept既野我都鍾意試！呢個松子雞米既配搭好好，濃淡適宜，惟叉子燒餅未夠香鬆，件數不足，或叉子燒餅size可大多d d，唔洗d松子雞米"食剩"，當然淨食都ok gei.... 醉雞：全晚既高潮！講句公道說話，呢度既醉雞係最得我鍾意！有酒香而唔蓋過雞既鮮味，而雞肉夠滑，本身亦處理過！很好既一個醉雞！唔錯！ 擔擔麵：淡而無味，唔香…唔好食