鹿角巷

營業中

休息中

呢間台式手沖飲品店已經開左成年，次次經過佢都會大排長龍。去咗北京見到佢有幾間分店，唔知係咪真嘅。舖頭地理位置真係一絕，係iSquare 對面，不過都因為咁樣而排隊有啲唔方便，永遠都會有啲人係你隔離左穿右插。我係下晝大約12點去，見到條龍大約有10個人，咁我就心郁郁。排隊嘅通常都係遊客帶住行李。我叫左黑糖鹿丸鮮奶，由排隊到杯野到手大約係20分鐘。比起銅鑼灣個啲合理，counter 姐姐服務都好有禮貌。佢建議第一次飲，糖度跟佢標準，如果唔係黑糖就會小左。味道無咩驚喜，不過大致中上。掛杯嘅黑糖味無話特別香不過係唔會太甜。珍珠都煙韌，不過唔算太香黑糖味，分量都ok。鮮奶我見佢係用日本明治奶，不過沖出嚟無話特別香滑濃。整體係ok 嘅，唔會飲完太膩。路過條龍短可以試試，要排隊多過20人就不必。