全聚德烤鴨店 (已結業)

自從之前去北京食過一次全聚德就念念不忘，好想再去食多次，但奈何北京咁遠，冇理由晒成千幾蚊機票去食架！？後來上網搵先知原來香港都有間全聚德所以前兩日同男朋友嚟食下我哋兩個人叫咗半隻鴨，半隻鴨份量都有好多，因為佢同北京一樣係會連皮帶少少肉嘅，同香港嘅片皮鴨唔同。值得一讚嘅係佢嘅皮同北京一樣咁薄！！真係荷葉餅皮 呢隻皮同香港嘅片皮鴨唔同，佢係較薄而且口感都較順滑，就算食多幾塊都唔會因為咁而飽晒東坡肉：有4舊，肥瘦適中，食落好香油脂味D汁甜甜地，幾岩撈飯食的最後點左個高力豆沙，即製嘅高力豆沙熱辣辣，外脆內軟值得食同北京嘅全聚德唔同嘅係北京嘅鴨會有附送砂糖，師傅會切幾塊特別脆嘅鴨皮俾我哋點砂糖食，都別有一番風味！ 除此之外，呢間質素都幾好！