老鍋台式火鍋 (已結業)

又去食打邊爐，最近約親朋友都係揀左打邊爐，今次就試下台式😂呢間台式火鍋都有唔少名人去幫襯，門口就貼晒某某明星去，所以緊係要影返張相打下卡先。今次叫左美人鍋湯底，一眼已經望到一隻大大隻烏雞，可以慳返叫少啲肉類😎😂淨係食隻雞都飽左唔少。叫得美人鍋，緊係有唔少藥材，所以趁未落去滾餸前，飲返一碗頭啖湯，飲完心理上都覺得自己靚左唔少🤣食食下，發現有意外驚喜，湯竟然有桃膠，都係第一次見到火鍋湯底會有桃膠出現，今次真係食完靚晒😍小食叫左臭豆腐，好邪惡既食物，亦係一道童年回憶既食物。已經超耐無食過，今次就當懷念一番😂聞落就係一種臭臭地，但係食落外脆內軟，加埋甜醬，就好完美地表達呢種不平凡美食。響鈴似乎係新鮮炸出黎(無去同職員求證😂)食落同平時食開唔同，香口好多。滾一滾好快食得，好啱追求快捷既我😎魚皮餃普通水準菜類就必須叫既，特別打邊爐，需要清下火。冬瓜就最啱食，雖然要煮耐少少，都值得等下，所以第一下要落冬瓜先，慢慢煮。最後點都要食嘅澱粉質都飲品方面嗌左菊花茶同櫻花茶，不過飲落櫻花茶更加似菊花茶😂可能不太識花味，係咩味道啦🤣🤣