幸福鳥 (K11購物藝術館)

營業中

休息中

去耐無去太古城揾食，趁連假就同老公四處揾下好野新野試，點知先發現舊嘅cafe已經轉左新嘅點，仲要係食日本燒物刺身窩物嘅幸福鳥，太開心又點興奮，同老公決定試下呢間新店，店員招呼周到都唔使叫，自動幫客人加茶，好窩心。讚~~食物質素高，樣樣都熱辣辣上枱，燒物惹味，可惜未有酒牌，好想嘆杯beer, 不過店員話可以出面買回來的，安排一聲就可以。刺身拼盤 $318 幾款時令刺身帶光澤，厚切帶子，鮮甜味美，三文魚，油甘，鯛魚牡丹虾都好肥美。燒雞泡魚乾，燒牛舌，燒免治雞肉串，兩款鹽燒同汁燒，燒物熱辣辣上枱，各有特色。原條汁燒九洲槍魷魚 $158汁燒味濃魷魚鮮肉質彈牙跟薑蓉同食就突出。驚喜之幸福燒雞 $188 皮脆肉嫩又多汁，調味適中夠入味，好正呀 驚喜感高牛肉壽喜燒 $188甜甜香香壽喜燒汁配上肥牛，再加埋其他食材金菇豆腐菜蔬冬菇鮮雞蛋，層次感就提高，健康之選。