影片
更多
2009-12-22
2 瀏覽
10月5日, 97週月快樂~! 今晚要同呀比去奧海城睇戲, 時間緊迫, 所以就去咗戲院隔離間風月堂食晚飯~ ::: 扒春雞拌帶子set dinner ::: $118set dinner可選餐湯同小麵包/沙律+ 主菜 + 甜品 + 餐飲~ 都真係相當豐富! 餐湯要了羅宋湯, 味濃菜多很不錯!小麵包唔太熱但係好軟熟~ 圓dumdum實在係好可愛!燒春雞原隻上, 伴以雜菜同埋彩椒絲~ 上面仲有1粒帶子! 仲有飯或意粉選擇~ 講咗粒咁珍貴嘅帶子先啦~ 果然係好鮮! 講完! 燒雞雖然原隻上, 但係d皮肉都幾嫩, 十分容易撕開~ 個燒汁味道都唔錯, 撈意粉食走啱晒!甜品係自選雪糕配窩夫, 我地揀咗豆腐味… 係唔夾架!窩夫夠香脆, 豆腐雪糕好香豆味, 2樣分開食都好味, 不過一齊食就中和咗個甜味得番朕豆嘅澀澀味… 餐飲要了熱奶茶, 茶同奶分開盛載, 用呢個英式茶杯真係倍感高雅~ 奶茶都幾香,份量比例可以自己調教, GOOD~::: 和風帶子炒飯 ::: $80都十分大碟~ 和風調味令個飯味道偏甜. 材料有帶子粒, 蘿蔔絲, 紫菜絲同木魚絲等. D帶子呢就明顯無set dinner粒帶子咁鮮, 同埋
::: 扒春雞拌帶子set dinner ::: $118
set dinner可選餐湯同小麵包/沙律+ 主菜 + 甜品 + 餐飲~ 都真係相當豐富! 餐湯要了羅宋湯, 味濃菜多很不錯!小麵包唔太熱但係好軟熟~ 圓dumdum實在係好可愛!
燒春雞原隻上, 伴以雜菜同埋彩椒絲~ 上面仲有1粒帶子! 仲有飯或意粉選擇~ 講咗粒咁珍貴嘅帶子先啦~ 果然係好鮮! 講完! 燒雞雖然原隻上, 但係d皮肉都幾嫩, 十分容易撕開~ 個燒汁味道都唔錯, 撈意粉食走啱晒!
甜品係自選雪糕配窩夫, 我地揀咗豆腐味… 係唔夾架!窩夫夠香脆, 豆腐雪糕好香豆味, 2樣分開食都好味, 不過一齊食就中和咗個甜味得番朕豆嘅澀澀味…
餐飲要了熱奶茶, 茶同奶分開盛載, 用呢個英式茶杯真係倍感高雅~ 奶茶都幾香,份量比例可以自己調教, GOOD~
::: 和風帶子炒飯 ::: $80
都十分大碟~ 和風調味令個飯味道偏甜. 材料有帶子粒, 蘿蔔絲, 紫菜絲同木魚絲等. D帶子呢就明顯無set dinner粒帶子咁鮮, 同埋因為切咗粒所以有d韌. 但用上珍珠米炒嘅飯就真係幾好食, 煙韌有咬口, 同埋吸收咗d汁好甜~ 不過炒飯黎講呢佢就做得比較濕, 唔夠乾身.
::: 咖啡芭菲 ::: $48
黎風月堂食飯唔叫番個大甜品真係對唔住自己! 我地呢個咖啡芭菲有兩球咖啡味雪糕, 仲有粟米片同爆谷! 出奇地粟米片同咖啡雪糕都幾夾~ 爆谷就太甜~ 但略嫌太多忌廉, 食晒真係會漏!
呢度裝修以白色為主, 簡潔中又帶點和風味, 重點係平日夜晚去人少少, 好舒服! 而且好難得有餐廳係主菜同甜品都做得好~ 服務亦唔錯~ 值得一吃!
張貼
