麗晶軒 (已結業)

📍九龍灣 麗晶軒📍扺食 舒服 飲茶之選😆今日去拜訪住係九龍灣嘅朋友，去咗佢屋企附近嘅一間茶樓諗住食個下午茶，三點去佢都仲有下午茶食。一去到，就同我預期中嘅茶樓真係差好遠，靚好多，亦有唔錯既空間感，整體感覺，似係入咗一間別緻茶居，唔老派，但絕對唔係收緊新派粵菜嘅高昂價格。整體黎講，點心熱辣辣咁上，味道好。👍🏻櫻花蝦脆脆腸腸粉皮包住脆脆再包蝦仁，面頭放櫻花蝦。口感非常特別，有軟有脆，蝦味濃，有創意，有種炸兩同蝦腸嘅合體版嘅感覺，但又一啲都唔怪。👍🏻蝦餃 - 皮薄餡靚，蝦大粒鮑汁叉燒包 - 正正常常，夠熱，包唔霉，其實就好好食👍🏻燒賣- 口感爽彈，用料足，有蝦未、菇味，豬肉味，正常好食！👍🏻珍珠雞 - 唔油，唔會太濃味，有時好驚珍珠雞啲雞太淋，佢做到啲飯仲有一定既咬口，好難得，唔會一pat 嘢整體上，環境滿意，兩個人食非常咁飽，去開附近會再食，亦都想試下佢個晚餐雞煲！