Su Casa (已搬遷) 新店位置

今日同老婆去左石門搵食，京瑞一二期都有好多食肆，到最後揀左呢間西餐廳。老婆獨愛既雲石枱面，而且座位都幾舒服。菠蘿有機奇亞籽綠茶，清甜夠哂解暑，又有健康既奇亞籽。招牌蠔湯，整溶哂啲蠔肉，賣相似蘑菇湯，飲落有超濃既蠔味。脆炸黃金軟殼蟹，熱辣辣既軟殼蟹好香，再有層香脆既炸皮，極邪惡！炭燒紐西蘭肉眼，5成熟既肉夠哂腍同好夠肉味，完全唔洗點醬都好好味。鴨肝野菌扁意粉，啲白汁完全上哂喺意粉到，每啖都有濃濃既白汁。朱古力心太軟配雪糕，即焗所以好熱，入面朱古力醬冒住白煙咁流出黎。