金記冰室 (已結業)

今日放假陪屋企人游車河，下午嘅時候兜咗入峻巒到食下午茶。因為屋企人話呢度有間金記冰室嘅炸雞脾沙律好好食，於是就奉陪到底，試試究竟有幾咁出色。由於YOHO二期呢邊新落成無耐，住客都只係得小貓三四隻，泥泥去去見到嘅都係裝修工人同客服嘅人。所以入到呢間金記，可以話係完全包場咁濟！呢個環境下嘆下午茶，真係好難得咁安靜啊⋯⋯非常好極。廢話少講睇睇個餐牌，呢到餐牌食物嘅價位都係HKD38以上，基於呢個地段同住客嘅消費水平，價錢算係相當合理同適宜。首先點咗炸雞脾沙律，公司三文治配薯條，仲有雪糕香蕉船。出餐相當快，先泥一杯咖啡同奶茶，呢到用嘅係黑白奶，咖啡唔酸，係即磨出泥，一陣咖啡油係面，好飲！其次炸雞脾沙律，的確媽媽無介紹錯，係炸得幾出色嘅，新鮮生炸，皮薄而脆，雞肉嫩而不老，非常好食；至於沙律份量感覺比較少，而且切得好細粒，唔太夠喉，但整體味道唔錯而新鮮嘅！至於個公司三文治都唔錯，味道好、配料足；手工好、自然配料唔會散開；擺盤都花左心思，碟中間一兜即炸熱薯條，茄汁又裝好比你，大滿足啊！另外，雪糕香蕉船到！小朋友最愛之選，睇下佢隻手就知好急切想食喇，香蕉夠甜，內裡夾咗兩個雪糕球，雪糕球似乎係視乎當日存