Error 19 (已結業)

今日同同事去旺角行街，行到有啲攰就搵啲嘢食坐下休息吓，第一時間上OpenRice望吓附近有咩好食，見到一間咖啡店都幾多好評，於是就想去試吓，地址彌敦道726號19樓，Error 19 去到樓下見到原來成幢大廈都係食店，上到去舖頭覺得好靚，裝修得好有少女風格，而且仲係粉紅色為主，好啱我哋兩個女仔傾吓計食少少野。芝麻雞翼 68元，四隻雞全翼，雞皮炸到金黃色而且面上鋪咗一層芝麻，食落口特別香口惹味，雞肉肉質好嫩滑，口感層次豐富。松露炒蛋吐司 68 元烘到剛剛好的吐司，上面鋪上一層招牌超厚炒滑蛋，再豪橫地撒上一堆黑松露！鋪上炒蛋後，吐司竟然沒有受潤而軟化，酥脆依舊，搭配軟嫩的炒蛋，入口即化的那種口感，加上黑松露的點綴，交織出美好的多層次口感，絕對是必點招牌無疑。凱撒沙律 58 元沙律菜非常爽口清甜，配上鬆脆的麵包塊，加一點芝士，整體味道好夾，芝士味好香濃。Cranberry Apple Cider 最後一定要嗌返杯特色飲品,望落去都係粉紅色好靚,味道酸酸甜甜,有種好清新嘅感覺。估唔到喺旺角有間價錢公道，而且坐得好舒適嘅咖啡店。下次去花園街行街都一定會嚟坐吓。