NINETYs (皇后大道東) (已結業)

星期五晚放工，約朋友灣仔聚聚，為方便就腳，就去咗灣仔嘅Ninety's，佢正正位於胡忠大廈對面，真係好方便，座位都好舒適，同埋好闊落，首先服務員畀咗一樽有碳中和嘅水我哋，飲落真係都比較清新；跟住我哋點咗個波士頓龍蝦意大利粉，和蟹肉芝士薄餅；好快脆個波士頓龍蝦意粉就嚟到喇，龍蝦細細隻，但係啲肉都好新鮮好爽甜，意粉好適合香港人嘅軟硬度，亦都好掛汁，仲有食用鮮花做裝飾，真係色香味俱全，仲有一個鉗，畀你幫嘅龍蝦槓拆肉，都好細心；跟住嚟個蟹肉芝士薄餅，長方形嘅薄餅比較特別，但係食起嚟都比較方便，薄餅超脆，簿簿嘅簿餅係我最喜歡嘅款式，食落有濃郁嘅蟹肉味，再加埋爆脆嘅魚子，味道層次複雜，咬口爽脆嘅薄餅加上芝士蟹肉，齒頰留香，回味無窮。這類食物性價比高，環境優美而寧靜，真係一次朋友相聚嘅好地方。