PizzaExpress (形點) (已結業)

捉緊復活節假期嘅尾巴，同屋企人去左元朗Yoho Mall行街加食飯。兜左一圈，最終決定去Pizza Express食pizza餐廳裝修得好開揚，簡潔裝飾加上窗外灑進嘅陽光，完全滿足一個假期要有嘅悠閒感覺假期照樣提供set lunch，二人餐已經包沙津、前菜、Pizza加飲品，幾抵食前菜點左意式焗肉丸，餐牌雖然有辣椒但其實完全冇辣味，不過肉醬蕃茄味足，肉丸有肉味之餘幾香口，調味配合得唔錯。跟配嘅麵包球新鮮熱辣，好煙韌再黎嘅沙津可以話係雜錦沙津，蔬菜好新鮮，雞肉同豬肘肉帶少少咸香，配埋芝士一齊食好香。沙津醬偏酸，愈食愈開胃主菜pizza上場，貪新鮮點左是日推薦。一直好喜歡Pizza Express 嘅Pizza底，烤的香之餘唔會過乾，亦唔會有油膩嘅感覺，仍然保留麵團嘅煙韌感。芝士份量適中，但愛芝士人士可能覺得唔夠喉。香腸可以話係畫龍點睛之處，肉味香濃有驚喜舒適開闊嘅環境，配上新鮮美味嘅食物，同屋企人閒話家常，可以話係假期嘅完美消遣（但真係好唔捨得假期嘅完結><)