敏華冰廳 (奧海城一期)

營業中

休息中

今日探完朋友好肚餓，行過商場附近見到有間敏華冰室，上次旺角食嗰個咖咉多士唔好味，不過實在好肚餓，就俾多次機會佢。極肚餓嘅關係叫咗個沙茶牛肉麵，問侍應可唔可以轉出前一丁麵底，佢竟然答呢度係冇出前一丁，啲面係佢哋自己嘅，咁更加要試吓啦。跟餐有火腿炒蛋牛油多士，牛油係分開上，自己塗幾多就幾多，啱晒我。火腿有兩大片，加埋炒蛋同多士，已經有少少飽，感覺偏油。沙茶牛肉麵湯底勁濃，重口味人士啱晒！自家面底都幾彈牙，牛肉亦唔錯，可惜份量真係太少，整體來講味道幾好，為上一次挽回不少分數，牛肉調返去正常份量會更好。