第三站

開學日，放學即刻去搵食。唔明點解一放學就餓鬼咁，難道返學消耗太多🤔去左旺角食飯，上網見呢間好多好評，試一試先。一入到餐廳，裝修好舒服，主要係白色，感覺好乾淨光猛。每一個座位都有較高嘅梳化，私隱度很高，方便玩唔同嘅board game。我地叫左意式芝士肉醬扁意粉，煙三文魚忌廉蕃茄醬扁意粉，兩個餐都加$38 ，可以有沙律及芝士蛋糕，另外叫士多啤梨奶昔，薄荷朱古力。芝士肉醬扁意粉好大碟，好彩我小朋友大食，一般女士未必食得哂。煙三文魚忌廉蕃茄醬意粉個汁好正，酸甜味效得剛剛好，份量一樣好多。柸士多啤梨奶昔好香士多啤梨味，小朋友一邊飲一邊讚。應該好凍，暑氣盡消。我柸薄荷朱古力都好好味，加埋上面有cream, 一絕。本來有3款芝士蛋糕選擇，可惜賣哂，我地叫左法國朱古力芝士蛋糕。蛋糕賣相富歐陸風格，唔係放係碟就算，睇得出用心機準備。甜度適中，有誠意。總括坐得舒服，食物味度良好，仲要價錢平加旺角區👍🏻😋Yummy Yummy: 8/10😋