Plato Cafe & Bistro (吳松街)

家人生日，黎到位於佐敦依間新店食西餐。估唔到未夠7點，已經好熱鬧。因為臨近聖誕，餐廳有唔少聖誕裝飾，增添咗唔少氣氛。我地點咗尊貴二人套餐($498)，再額外加咗雞胸天使麵($128)。套餐嘅是日餐湯係蘑菇湯，好creamy，加上粒粒蘑菇肉就更加有好感。頭盤係白酒煮蜆同埋煙三文魚凱撒沙律。蜆係沙蜆量，重稱又肥美多汁。而煙三文砌成一朵花形，賣相一流，沙律非常開胃。主角係炭燒安格斯肉眼牛扒配酒香燒汁，叫咗7成熟，只係有少少血色好啱我依啲怕生嘅人食，肉質比起西冷牛扒更加夾軟熟，肉汁好濃。平時點牛扒通常叫黑椒汁，今次嘅酒香燒汁估唔到又幾襯牛扒。配菜有烤薯仔、紅蘿蔔、西蘭花，令到成個主菜更豐盛。飲品係芒果草莓茶。而雞胸天使麵比想像中份量更多，雞胸薄薄地一片，一啲都唔鞋厚。天使麵係配上三色椒一齊煮，條條分明。最後套餐嘅甜品我要咗朱古力慕絲蛋糕，好明顯見到三層餡料，咖啡味好重，而且口感結實。