YOLO (已結業)

呢間新開張嘅西餐廳位於新都城三期惠康隔離再隔離嘅gym room對面，其實都幾偏僻。但作為寶林人嘅我，知道有新嘢當然要試吓啦！YOLO stands for You Only Live Once，環境寬敞，以大自然嘅綠葉、芒草同乾花做裝飾，令人感覺舒服😌🥗燒八爪魚沙律 $62賣相色彩繽紛非常吸引。無論係沙律菜定係啲蕃茄仔都非常新鮮爽脆，八爪魚亦好爽口，唔會好硬。如果真係要挑剔嘅話，就係少啲油會更好😆🍔招牌漢堡包 $88漢堡包落足牛油煎得好香，入邊好似有啲牛油果醬，加埋半溶嘅芝士、新鮮蕃茄同生菜、唔會好削嘅漢堡扒、香脆煙肉，仲好食過早排我喺新都城食嘅某間漢堡包店！另外個薯條都炸得好通透香脆，無得輸💯🥓日式溫泉蛋腩肉有機糙米飯 $88呢個飯好有驚喜，特別係件腩肉，肥瘦適中，條皮煙煙韌韌，煎得非常香口！另外仲有溫泉蛋加紫菜，再配上珍珠米同有機糙米，除咗個醬汁好味，啲米飯亦唔會太硬，非常出色😋🍎蘋果肉桂烏龍茶 +$16呢杯都好有驚喜，大家記得試吓！入邊有好多蘋果片，一飲落口好香玉桂味，唔會太甜，令人諗起美味嘅玉桂蘋果批，正👍🏻