影片
更多
2016-03-16
2357 瀏覽
某日好早就出左銅鑼灣,做完野就緊係諗lunch食咩好啦,銅鑼灣最近都開左好多高質既日本餐廳,於是就係我既to eat list入面揀左呢間-舞鶴。呢度既總廚-Andy係由天后既鮨処光過檔,之前都係鮨処光食過幾次lunch,食物質素都好好呀,雖不是什麼熟客仔,但總廚過檔了舞鶴,未食都對呢度有信心啦! 12:00pm就上到餐廳,lunch先岩岩開始,所以未有太多客,被安排坐係bar枱,bar枱有12個位左右,其餘有D卡位同埋一間獨立房,Andy同我講多人Lunch都可以坐房,最多可以坐6-8人,如果晚餐就有最低消費$6000。睇一睇menu,都有好多款選擇,咁既然坐得bar枱就揀左個自選12件壽司set,有前菜,烏冬/蕎麥麵,甜品,咖啡/茶先係$268,價錢相當合理! 自選壽司除左有一般大路既壽司,亦有6款每日精選!好啦,揀好哂壽司,侍應就奉上熱茶,漬物,沙律,茶碗蒸同麵豉湯~沙律好新鮮,沙律醋酸酸地帶d柚子味,非常開胃~以一間高質日本餐廳黎講,茶碗蒸滑同入面足料係最低要求,而呢一個既蛋面係有一層濃湯既gel,令成個茶碗蒸既味道更加濃郁!食完前菜,師傅先係壽司板上放上Wasabi同幾塊酸薑
某日好早就出左銅鑼灣,做完野就緊係諗lunch食咩好啦,銅鑼灣最近都開左好多高質既日本餐廳,於是就係我既to eat list入面揀左呢間-舞鶴。呢度既總廚-Andy係由天后既鮨処光過檔,之前都係鮨処光食過幾次lunch,食物質素都好好呀,雖不是什麼熟客仔,但總廚過檔了舞鶴,未食都對呢度有信心啦! 12:00pm就上到餐廳,lunch先岩岩開始,所以未有太多客,被安排坐係bar枱,bar枱有12個位左右,其餘有D卡位同埋一間獨立房,Andy同我講多人Lunch都可以坐房,最多可以坐6-8人,如果晚餐就有最低消費$6000。
睇一睇menu,都有好多款選擇,咁既然坐得bar枱就揀左個自選12件壽司set,有前菜,烏冬/蕎麥麵,甜品,咖啡/茶先係$268,價錢相當合理!
自選壽司除左有一般大路既壽司,亦有6款每日精選!
好啦,揀好哂壽司,侍應就奉上熱茶,漬物,沙律,茶碗蒸同麵豉湯~
沙律好新鮮,沙律醋酸酸地帶d柚子味,非常開胃~
以一間高質日本餐廳黎講,茶碗蒸滑同入面足料係最低要求,而呢一個既蛋面係有一層濃湯既gel,令成個茶碗蒸既味道更加濃郁!食完前菜,師傅先係壽司板上放上Wasabi同幾塊酸薑,酸薑我無問但應該係師傅自家醃,因見到bar枱有幾樽梅酒?酸梅?同酸薑。酸薑酸甜味好好,而且好爽脆又唔會太辣!
第一件壽司係真鯛-睇樣就知新鮮,肉質比較爽口,有淡淡魚味
再黎魷魚:一咬落去就斷開,再細嚼有少少黏口,好吃帆立貝: 柔軟,鮮甜
海膽:份量好多呀,多到件壽司都爭D企唔穩,四個字,非 常 鮮 甜!蟹膏:甘香味濃
吞拿魚腩-肥美,魚油充斥成個口腔,正!
之後既吞拿魚腩蓉/蝦膏/三文魚子/火炙穴子件件都高質好吃!
食完12件美味既壽司後仲有一件吞拿魚腩蓉手卷,早知我揀壽司時就唔揀吞拿魚腩蓉啦,同款感覺蝕了,haha...其間Andy師傅問我唔鐘意食炙拖羅嗎? 佢話係必食ga wor,我話你又唔早講既,我話下次啦,咁先可以再黎食ga ma,佢仲話下次唔好自選,等佢發辦~好!等我諗定下次幾時黎食先~哈!
食完手卷侍應就問要烏冬定蕎麥麵,天氣有D凍就來碗熱烏冬,雖然烏冬只是配角,但如果麵質可以彈牙點會更好吃呀!
最後有紅豆抺茶mousse cake同手打抺茶作結!
總結,非常滿意既一餐,物超所值,一定會再黎食師傅發辦Omakase啦!地址:銅鑼灣渣甸街50號渣甸中心26樓
電話:3586 3038
星期一至日:
12:00-15:00(午市)
18:00-23:00(晚市)
張貼
