大師傅粥品 (TKO Gateway西翼)

營業中

休息中

話說好耐冇食粥，將軍澳有間大師傅食粥店 開咗好幾年，今日就嚟幫襯下，地方環境 一般，座位有啲唔係幾自然感覺，雖然係四人枱，但係是斜角嘅，我哋兩個梗係想坐二人枱喇， 二人枱唔算多，有點奇怪坐唔落，都係坐四人枱了，坐低梗係想幫襯碗艇仔粥啦! 細細個就好鍾意食艇仔粥，價錢都一般，早餐時段 ，午餐時段， 晚餐時段，都係照睇一張水牌，即是冇套餐食嘅！我哋就叫咗兩碗艇仔粥 ，叉燒腸粉，牛脷酥，艇仔粥真係好夠熱👍而且都好大碗 ，材料都好充足和豐富！花生都好香脆 ，腸粉就一般啦！ 乾蒸蒸可能擺得耐喇！不過都常可，牛脷酥 細細個就好鍾食！味道都差唔多，因為唔係 以前坐大排檔即時有個熱爐去煮，梗係新鮮啦！而家通常都係入貨嘅！所以都一般般啦！