溏串小町 (已結業)

大埔太和的日本街有幾間日本菜，呢間就係其中一間。朋友今轉想食串燒，所以就選左呢間la。小店寬敞，裝修風味十分，坐得舒服，重俾我見到有熊本熊的裝飾😻，要加分！即製串燒叫左：$40 生燒牛舌、$28串燒雞腎、$38 日本秋葵蝦。要大讚秋葵蝦真心好食，在其他餐廳都未食過，蝦肉的鮮味滲入秋葵，口感不錯。生燒牛舌厚切質感一流，冇得輸，必食！串燒雞腎就未夠火喉，如果再脆身少少更加好。炸物點左$48 吉列廣島蠔，呢個滿分💯，新鮮熱辣辣送到，外層脆卜卜，蠔味濃，配上沙律醬，好正ar!$108 溏串雙子雙色卷大件足料，一上枱就知好味道，卷物製作實淨唔會一夾就散，材料豐富，醋飯夠味，下轉再黎一定會再食 ！柚子酒梳打味道清爽，如果大杯點就梗加好啦😻其實有$48啤酒，好抵買二送一，可以朋友唔飲得，所以冇叫到。