影片
更多
2021-06-28
168 瀏覽
今日去左黃埔行街，呢條街都好多餐廳好多美食，最後門口睇餐牌就揀左呢間咩都有得食既茶餐廳啦，鋸扒、中式小菜、星馬菜集於一店，水準仲非常高，卡位坐得又舒服，員工態度非常友善，幫襯都幫襯得開心D❣️泰式鹵豬脾飯豬脾飯唔止飯多，就連豬脾份量都好多呀，豬脾夠哂入味，豬皮好爽好多骨膠原，又啖啖肉方便又易食，重拾泰國吃到豬脾飯既感覺❣️海南雞喇沙金邊粉叫左個喇沙金邊粉，黎到又係大大碗，喇沙好濃味，有花生粒，而且個湯夠杰身D 粉可以好掛湯，仲有好多豆卜芽菜，本身D食材無乜味，但索哂D喇沙湯變到好好食。海南雞夠哂滑，肥肉唔多，雞皮都係爽口，份量又夠哂多，真係可以好飽肚❣️什錦拼盤拼盤有齊蝦餅、絲網春卷、香茅雞翼、沙嗲豬牛雞串燒，咁就可以試到4款小食，每樣都新鮮熱辣好好味，亦都唔會炸到乾爭爭，絲網春卷最有驚喜，食到有芋蓉❣️奶茶紅豆冰香濃既奶茶加埋軟稔稔甜甜地既紅豆，茶味好香濃好滑，鍾意飲泰式奶茶既就真心推介❣️芒果沙冰大杯到會瀉出黎既芒果沙冰，芒果味好清甜，沙冰夠哂凍，消暑佳品
今日去左黃埔行街，呢條街都好多餐廳好多美食，最後門口睇餐牌就揀左呢間咩都有得食既茶餐廳啦，鋸扒、中式小菜、星馬菜集於一店，水準仲非常高，卡位坐得又舒服，員工態度非常友善，幫襯都幫襯得開心D
❣️泰式鹵豬脾飯
豬脾飯唔止飯多，就連豬脾份量都好多呀，豬脾夠哂入味，豬皮好爽好多骨膠原，又啖啖肉方便又易食，重拾泰國吃到豬脾飯既感覺
❣️海南雞喇沙金邊粉
叫左個喇沙金邊粉，黎到又係大大碗，喇沙好濃味，有花生粒，而且個湯夠杰身D 粉可以好掛湯，仲有好多豆卜芽菜，本身D食材無乜味，但索哂D喇沙湯變到好好食。海南雞夠哂滑，肥肉唔多，雞皮都係爽口，份量又夠哂多，真係可以好飽肚
❣️什錦拼盤
拼盤有齊蝦餅、絲網春卷、香茅雞翼、沙嗲豬牛雞串燒，咁就可以試到4款小食，每樣都新鮮熱辣好好味，亦都唔會炸到乾爭爭，絲網春卷最有驚喜，食到有芋蓉
❣️奶茶紅豆冰
香濃既奶茶加埋軟稔稔甜甜地既紅豆，茶味好香濃好滑，鍾意飲泰式奶茶既就真心推介
❣️芒果沙冰
大杯到會瀉出黎既芒果沙冰，芒果味好清甜，沙冰夠哂凍，消暑佳品
張貼
