My Ahjussi (已結業)

之前睇到有介紹話呢間餐廳有請一d殘障人士做野👍👍…覺得係一間良心小店…所以一路都想黎支持下呢度地方唔算太大…裝修簡約…不過天花整得幾靚…好似好多雲咁…望下餐牌…第一眼見到泡菜豬腩肉飯就想點…因為好鍾意食五花腩…點左一個飯…不如就點多一個意粉試下(見都好多人推介意粉)。係卡邦尼同軟殼蟹兩揀一…最後揀左軟殼蟹忌廉意粉…感覺應該唔夠飽…覺得食韓國野應該要有炸雞…就叫店員推介…佢話多人食甜辣炸雞…咁就點呢個啦…點好哂野…店員就放低左碟前菜有泡菜…蕃薯仔同醃蘿蔔…味道都唔錯…之後就先黎泡菜豬肉飯…個樣好骨子…泡菜豬肉味道都唔錯…d飯加左飯素好味之後就到個軟殼蟹意粉…有成隻軟殼蟹…絕對唔孤寒…忌廉汁啱啱好…所有意粉掛哂汁…又唔會水滴滴…意粉軟硬都掌握得唔錯…推薦到炸雞…有半隻份量…個汁甜甜辣辣幾好味…又唔會太辣…啱哂想辣又唔太食得辣既朋友…雞肉好嫩…唔會乾爭爭…野飲就叫左梳打…都唔錯…所有野食同服務都好好…價錢仲好合理…要支持良心小店…