林昌記 (已結業)

今天我終於幫襯到魚蛋神話林昌記啦！！！其實我同阿P講咗好多好多好多次要來吃魚旦，但佢就當我講嘅說話係耳邊風。今次走唔甩，因為我們人在尖東，而且我仲打埋比美食焚化爐問清楚正確位置，於是咪去到囉！！！之不過位置確實偏僻，好彩東海商業中心外牆有個LED牌，如果唔係真係會錯過入口。林昌記的招牌白魚蛋粒粒自家打製，魚肉比例超過八成，絕非坊間只靠調味的無誠意之作，所以出品獲冠以"良心魚旦"稱號。今日一試，PJ 都認為林昌記的魚旦是真材實料的。店內不設豉油，只供應老闆自製的辣醬。PJ 點了一份細 size 白魚旦及一份細 size 咖哩魚旦，用小紙杯盛着，非常衛生企理。先試店主特別調味的辣油，是一種很香的辣，不會太霸道掩蓋魚味，不錯啊。咖喱味魚蛋也是店內的招牌作，魚蛋鮮味配微辣咖喱香，是阿P最 like 的味道。我最喜歡白魚旦，魚味鮮甜，又不會太油膩及只一味死鹹。魚旦亦彈牙。魚蛋賣$20/十六粒、$10/七粒；比坊間貴少少，不過起碼知道自已真係食緊魚肉。可惜位置實在太吊腳，不能常來...