影片
更多
2018-08-13
304 瀏覽
我同同事都係黑松露愛好者，知道金船長餐廳有個好出名既黑松露芝士pizza，仲係得獎菜式，所以專登同同事放工過黎試下。我地係閒日晚上8點去到，估唔到已經坐無虛席，絕非浪得虛名。一坐低就即叫左個Pizza先，因為佢係即叫即焗，大約15分鐘就有得食啦。另外我好欣賞餐廳餐牌勁多圖片，好吸晴，好方便。黑松露菌醬意式馬斯卡普芝士夾心比薩好香，一放低係先比芝士既香味吸引，面頭鋪滿芝士，入面勁多黑松露，外脆內軟，熱辣辣，超好食！店員仲介紹多兩種食法比我地，一種係配合佢地既自家提子果醋，另一種係再加埋個沙律菜一齊食，個人覺得點左醋係會更加好食，好清新，好開胃。白酒忌廉煮紐西蘭青口自從去旅行食過白酒忌廉青口後，就愛上左呢道菜，金船長既煮法係較為多汁，但都無令我失望，佢個白酒忌廉汁調較得非常好，好香酒味，忌廉夠滑，青口新鮮，配上法包食，完美！如果可以多幾塊法包就好了，哈哈。黑松露薯條我地兩個黑松露控，食完個Pizza都未夠喉，決定叫多個黑松露薯條，個薯條黎到，我同同事都嘩左聲，估唔到除左黑松露醬之外，佢仲放左勁多黑松露係上面，好正！薯條即叫即炸，好好食！美國特級肉眼扒好大塊牛扒，廚師對牛扒既生熟拿捏得幾好，
一坐低就即叫左個Pizza先，因為佢係即叫即焗，大約15分鐘就有得食啦。另外我好欣賞餐廳餐牌勁多圖片，好吸晴，好方便。
黑松露菌醬意式馬斯卡普芝士夾心比薩
好香，一放低係先比芝士既香味吸引，面頭鋪滿芝士，入面勁多黑松露，外脆內軟，熱辣辣，超好食！
店員仲介紹多兩種食法比我地，一種係配合佢地既自家提子果醋，另一種係再加埋個沙律菜一齊食，個人覺得點左醋係會更加好食，好清新，好開胃。
白酒忌廉煮紐西蘭青口
自從去旅行食過白酒忌廉青口後，就愛上左呢道菜，金船長既煮法係較為多汁，但都無令我失望，佢個白酒忌廉汁調較得非常好，好香酒味，忌廉夠滑，青口新鮮，配上法包食，完美！如果可以多幾塊法包就好了，哈哈。
黑松露薯條
我地兩個黑松露控，食完個Pizza都未夠喉，決定叫多個黑松露薯條，個薯條黎到，我同同事都嘩左聲，估唔到除左黑松露醬之外，佢仲放左勁多黑松露係上面，好正！薯條即叫即炸，好好食！
美國特級肉眼扒
好大塊牛扒，廚師對牛扒既生熟拿捏得幾好，話七成熟，就係七成熟，非常好。牛扒肉味豐厚濃郁，調味得宜，十分可口。
原味梳乎厘
知道金船長既梳乎厘甜品都好出眾，所以即使我地好飽都叫一個share食，梳乎厘蛋香濃郁，好輕盈好似吸一口空氣咁，質感鬆軟，不太甜。
泡沫咖啡的泡寸幾兩寸厚，又綿又濃，咖啡都好香，牛奶令咖啡更香滑。
薄荷朱古力咖啡有驚喜，咖啡香滑，唔會好甜，薄荷味道亦唔會太搶，整體感覺好配合。
張貼
