Loop Kulture

營業中

休息中

今日一早出現在太子，本身想試另一間甜品店，但去到懷疑執咗，於是改去另一間想去好耐的cafe，中午12點幾去到，間店開12點，全店已full，要等位，等了幾個字終於有位，環境幾舒服，安排了我坐靠牆的木箱櫈，但張櫈有啲唔平衡，一郁張櫈又會郁，講返食物，叫了人氣焦糖香蕉樹頭麵包及開心果牛油果奶昔，點餐時店員已講樹頭麵包製作需時，大約半小時，到食物上枱，店員也再有講唔好意思，等咁耐，幾有禮貌，佢亦有温馨提示最好襯熱食，因為凍咗會比較硬，於是我拿拿淋影完相後，立即進食，一切開個樹頭，仲出煙，新鮮熱辣辣，外層有口感，內裡軟綿綿，加埋伯爵茶意式雪糕一起食，好味，香蕉同焦糖好夾，伴碟仲放了藍莓、無花果等作點綴，雪糕上仲有花朵，擺得好靚，成件藝術品咁睇得又食得，至於杯開心果牛油果奶昔，味道比較清淡，飲完也不會有罪疚感，推介👍🏻.